الحسيني

Faculty of Engineering MU (BCE) | SENIOR’19 🎓 IG: Zizo_El7ossainy

بما ان في قنوات عربيه على اليوتيوب مهدور حقها والناس ملبوخة باحمد حسن وزينب والخرا اللي بيعملوه فا دا ثريد بقنوات عربيه بتقدم محتوى مفيد وغير مشهوره اوي



١- شرفشتاين يمكن دي اكثر قناه مشهوره في الثريد دا ولكن المحتوى العلمي اللي فيها عظيم جدا والحلقه فيها معلومات كثير جدا ولكن فعلا شرح محمد شرف جميل وبسيط والحلقة مليانة وهو بيشرح مواضيع مختلفة في الكيميا والفيزيا زي الدحيح كدا

youtube.com/channel/UC5lHU…





٢- اقتصاد الكوكب وزي ما باين من اسمها هي بتحكي عن الاقتصاد والاموال والتجاره وحوارات البورصةو قصص صعود وهبوط لشركات كبيره والحقيقة حاليا هي اكتر قناة مفضلة ليا لان شرح مصطفي الصعيدي بسيط اوي وحتي لو ماعندكش فكرة عن الموضوع هتفهمه منه كويس جدا

youtube.com/channel/UCjMdg…





٣- شارع العلوم ودي قناة ممتعة جدا وبتخليك تشوف تطبيقات عملية علي مناهج الفيزيا والكيميا اللي اخدتها في المنهج وماعرفتش فايدتها في الحياة هو زي الدحيح بيشرح كيميا وفيزيا ولكن علي شكل تجارب وفيه تجارب بيقولك ازاي تعملها في البيت

youtube.com/channel/UCX9Hp…





٤- اسئلة نص الليل هي قناة مشهورة بس انا بحبها وهي حرفيا عبارة عن اسئلة نص الليل زي ليه الامير مش بيلزق في الانبوبة وازاي الناس الكفيفة بتحلم والاسئلة الغربية دي اجابتها في القناة دي وهي تبع قناة عشوائيات ولو ماتعرفش عشوائيات ادخل شوفها هتتبسط جدا

youtube.com/channel/UCYskj…





عمر السبتاوي القناة دي مفيده لاي حد وهي عبارة عن فيديوهات عن الاسعافات الاولية وازاي تتصرف في حالات الطوارئ زي لو لقيت حد بينزف او لو حد محروق تعمل فيه ايه ولو كلب عضك تتصرف ازاي وهكذا القناة جميلة وكل فيديو متوسطه ٤ دقايق وهتستفيد منها جدا

youtube.com/channel/UCHg7t…





٦- nest productions قناة بتحكي عن التاريخ في مواضيع كتير سواء احداث تاريخية زي الحرب العالمية والثورة الايرانية او شخصيات تاريخية زي جينكيز خان ونابليون القناة جميلة جدا ولو مهتم بالتاريخ الموضوع هيعجبك اوي

youtube.com/channel/UCnsnn…





٧- el zero web school القناة دي لو حابب تبدا في مجال البرمجة فا دي احسن حاجة تتعلم منها بشكل مجاني واحترافي اي لغة برمجة بتفكر تتعلمها هتلاقي كورس ليها في القناة وكله بالعربي من اول الصفر لحد ما لفل اعلي من المتوسط

youtube.com/user/OsamaElze…





-٨ faddi daddi هي مش قناة علمية بس حاجة ترفيهية روشة كدا وهي عبارة عن فيديوهات لاخطاء الافلام العربية والاجنبية وفيديوهات زي كومبارسات بوظوا مشاهد واخطاء مقصودة وكدا القناة جميلة وكل ما تخلص فيديو هتلاقيك داخل في التاني والتالت والعاشر من غير ما تحس

youtube.com/channel/UCp0KO…





٩- عصام حمودة لو انت بتلعب شطرنج او بتحبه او عايز تتعلمه فا القناة دي هتخليك كاسبروف مصر فيها فيديوهات من اول خطوات القطع ازاي لحد تحليل ماتشات عالمية وشرح خطط وافتتاحيات للشطرنج ولو بتحب الشطرنج مش هتخرج من القناة دي

youtube.com/channel/UChMov…





١٠- الزتونة القناة دي هتفيدك في تعاملك مع الناس والاشخاص بشكل رهيب لانها عبارة عن تخليص كتب عالمية في علم النفس والتنمية البشرية وفيها فيديوهات للغة الجسد وقبعات التفكير وحاجات جميلة هتخليك تفهم اللي قدامك اكتر وتقدر تتعامل معاهم كويس

youtube.com/channel/UCPnXS…





١١- نيوكليون هي قناة بسيطة اوي ومافيش فيها غير ١٠٠ مشترك بس المحتوي جميل وبيتشرح فيها فيزيا وميكانيكا كم ونسبية ومواضيع جميلة والحقيقة دي اكتر قناة محتاجة دعم لانها جميلة بجد ومحتاجينها تكمل

youtube.com/channel/UCGmaP…





١٢- وليد عيسي لو انت مهتم بمجال الهندسة الالكترونية والكهربائية فا القناة دا هتبقي كنز بالنسبالك ولو حابب تدخل المجال هتلاقي فيديوهات من الصفر تفهمك كل حاجة في المجال ونحب نشكر هاني عالاقتراح دا والاقتراحات اللي جاية دي 😂😂

youtube.com/user/wrmissa





١٣ - شمس العربية هي حاجة اكاديمية شوية بس هتفيدك في دراستك وهي مجموعة محاضرات مترجمة من جامعة MIT ,,في علم النفس والكيميا والرياضة والبرمجة ومجالات كتير وشرحها جميل جدا

youtube.com/user/shamsunal…





١٤- shehata deutsch قناة جميلة جدا لو عايز تتعلم الماني او عايز تحسن نفسك في الالماني وفيها فيديوهات من تحت الصفر كمان في اللغة ومتقسمة لمستويات الالماني وشرح جميل ومش هتزهق منه

youtube.com/channel/UCAUh5…





15- arafa microsys شبه قناة وليد عيسي مهتمة بمجال الالكترونيات والبرمجة الالكترونية وتصميم الدوائر والحاجات الجميلة دي وفيه حلقات روبوتيكس واتصالات لاسلكية ونحب نشكر هاني وياسر عالاقتراح دا 😂⁦♥️⁩⁦♥️

youtube.com/user/arafamicr…





16- Zewail city open courseware دي عبارة عن المحاضرات اللي في جامعة زويل في مجالات كتير زي ميكانيكا الكم والرياضة والجبر الخطي والكيميا وكل دا بالعربي

youtube.com/channel/UCGNOE…





١٧ - جيل يقرأ شبه قناة الزتونة فيها تلخيص لكتب عالمية في كل المجالات وبتاخد المفيد منها وتوفر وقتك وفيها نصايح للقراءة وازاي تخلي القراءة ممتعة فيها حاجات كتير حلوة اكيد هتتعلم منها

youtube.com/channel/UCu1NJ…





١٨ - سيارتك مع عبدالحق يمكن تبان انها زيها زي اي قناة عربيات بس الحقيقة لا لانه فيها بيتشرح ازاي الميكانيزم بتاعت العربية وبيتشرح كل حاجة فيها بشكل وشرح تصليح العربية وازاي الاجزاء اللي ليها بتشتغل ونشكر ياسر عالاقتراح الجامد دا 😂⁦♥️⁩

youtube.com/channel/UCQnhE…





19 - marketer aziz للناس المهتمة بالماركيتينج والدعاية والاعلان والحاجات دي كلها فا لو حابب تبدا تشتغل في المجال دا فا القناة مليانة فيديوهات لو حابب تبدا في المجال ونصايح لكل حاجة في الدعاية والتسويق حتي الديجيتال ماركيتينج

youtube.com/user/ScorwolfA…





20 - ehab mesallum زي القناة اللي فاتت وفيها كمان فيديوهات ازاي تقوي علاقتك بالعميل وازاي تتعامل مع العملاء وتقدر ترضيهم وازاي تسوق خدمات مش منتجات بس ولو حابب تبدا شركة صغيرة ايه اللي ممكن تعمله

youtube.com/user/ehabmes





21 - anahr نرجع تاني للماث والتكامل علشان بحبهم 😂 القناة دي تقريبا اكتر شرح احترافي للتفاضل والتكامل كواليتي المحتوي عالية اوي وجايب التفاضل والتكامل من اولهم لحد اكتر الحاجات المعقدة فيهم

youtube.com/channel/UCLIvN…





٢٢ - جو حطاب هي قناة مشهورة اوي ومش حاجة علمية بس بحبها ونعتبرها ترفيه عن كل الرياضة والكيميا اللي فوق دول 😂😂وهو عبارة عن شخص بيلف العالم وبيشارك تجاربه وخبراته ويعرض ثقافة البلد وشكل الشعب والاكل ونحب نشكر @AliReda97690289 عالاقتراح العظيم ⁦♥️⁩

youtube.com/user/jehadhatt…





٢٣- فارماستان اكيد زهقتوا من التكامل وكل الحاجات دي فا نخليها المرادي كيميا 😂😂 القناة بتتكلم عن الادوية وتأثيراتها علي الجسم وتأثير المخدرات علي الجسم وكلام عن العناصر الكيميائية المشهورة وهكذا والاقتراح الجميل دا من @mariam3bdelmn3m

youtube.com/channel/UCwMEC…





٢٤ - ساحة AJ+ اكيد مش هنتكلم عن العلوم كلها وننسي الادب يعني القناة فيها بلايليست واحدة وهي لتميم البرغوثي بيحكي قصص نثرية وبيلقي شعر واللغة بتاعته قوية وجميلة جدا وبوسة ل @omarelshabrawy0 علشان بحبه وهو اللي مقترح القناة



25 - ebrahim alaa قناة جديدة وان شاء الله تبقي احسن قدام فيها فيديوهات عن الاخطاء الشائعة للغة وحاجات بنقولها غلط

youtube.com/channel/UC0NKG…





٢٦- mahmoudismailTV والله دي انا مش عارف اصنفها ايه لان فيها حاجات كتير عشوائية كدة فيها نظريات ومراجعات افلام وقصص وثائقية حصلت وحاجات كتير غريبة يعني 😂😂😂 واحلي تحية ل @shabkaawest علشان فكرني بيها

youtube.com/user/MahmoudIs…





٢٧- الحكيم قناة جميلة بتشرح حاجات عن الطب و الاحياء بشكل سهل وبسيط وياريت ندعمها علشان تقدر تكمل

youtube.com/channel/UCPbP-…





٢٨- حسن الهاشم قناة فيها كل حاجة فيها غريبة وغامضة نظريات وقصص عن حاجات زي مثلا مثلث يرمودا ومدينة اتلانتس ويأجوج ومأجوج وكل المواضيع فيها مميزة فشخ واحلي تحية للاقتراح الجامد دا @Safa_1902

youtube.com/channel/UCN1Ly…





٢٩- اساطير وحكايات القناة عبارة عن الاساطير النوردية والاغريقية واليونانية وفيديوهات عن الآلة في الحضارات دي وكل حاجة تخص الاساطير والحضارات القديمة للاسف صاحب القناة توفي من فترة فا ياريت تدعوله بالرحمة

youtube.com/channel/UC9zfI…





٣٠ - nedal reads & دودة كتب الاتنين محتواهم قريب من بعض وهما بيدوا اقتراحات ونصايح لحاجات تقراها مش ملخص كتب فيه تقييمات لكتب وترشيحات ونصايح عن القراءة وخطط ازاي تخلص الكتب الي عندك واشكر @youmnahammouda علي الاقتراحين دول

bit.ly/3gZS9PO



bit.ly/30eqODh







Download PDF

Add a comment

Similar news