مَحمُود.

🎼‏‏‏‏‏‏‏‏‏‏Lucid Dream || حالفين نجيب التار💙. New account

🔴 "ثريد" لأفضل المسلسلات الطويلة والقصيرة.. بما انو الناس زهجانه من قعاد البيت ومافي موضوع ح انزل اكتر مسلسلات درعه وبدون ترتيب مع نبذة مختصرة عن المسلسل :



1_ chernobyl "قصير" موسم واحد عدد الحلقات: 5 طبعا بيحكي عن الانفجار النووي الشهير الحصل عام 1986 في اوكرانيا كلنا سمعنا بيه تقريبا، بيكشف ليك تفاضيل الحادثه وكيف الناس قدرت تواجه الكارثه النوويه دي.



2_ dark "لو م فاطر م تخاطر" عدد المواسم: 3 عدد الحلقات: 26 مسلسل خيال علمي من انتاج نيتفلكس بيحكي عن بلدة صغيرة في المانيا الناس فيها بتختفي بطريقة م منطقية في خلال تلاته عقود من الزمن، وتبدا التحريات عشان يكتشفو اللغر الغريب ده يلقو اجابات لمسألة الاختفاء المفاجئ دي.



3_ breaking bad 🔥 عدد المواسم: 5 عدد الحلقات: 62 بيحكي قصة معلم مادة كيمياء في مدرسة ثانوية، ح يتم تشخيصو بمرض سرطان الرئه "حمانا الله وإياكم" الشي ده ح يخليه يبدا يفكر يدخل عالم الجريمة والمخدرات عشان يقدر يأمن مستقبل اولادو وأهلو قبل م يموت.



4_ when they see us "قصير" موسم واحد عدد الحلقات: 4 المسلسل ده ح يكشف ليك العنصرية والخباثه المتواجدة في الشرطه الامريكية ضد اللون الاسود والاعراق الاتينيه، وإنت بتحضر ح تتذكر قصة جورج فلويد المات بطريقة قاسية من قبل الشرطة الامريكية، وكيف بيلفقو تهمة اغتصاب لمراهقين بسبب لونهم.



5_ game of thrones (+18) عدد المواسم: 8 عدد الحلقات: 73 كلنا سمعنا بالمسلسل ده وكيف هو درعة وممتع الناس جداً، بيحكي عن سبع عائلات بيتصارعو عشان يسيطرو على العرش الحديدي للممالك السبعة، وبيتكلم برضو عن الدين والجنس والحرب الاهليه والجريمة وعقابها في الزمن داك، مش ح تقدر تغمض عنيك.



6_ la casa de papel عدد المواسم: 4 عدد الحلقات: 38 بيحكي عن اكبر عملية سرقة حصلت فأسبانيا لدار السك والعملة، الضجة العملها المسلسل كفيلة بإنك تمشي تتعابو هسي بدون اي تردد.



7_ elite (+70) 😂 عدد المواسم: 4 عدد الحلقات: 24 مسلسل اسباني بيحكي عن 3 مراهقين فقراء بيحصلو على منح دراسية لمدرسة ثانوية خاصة بالاغنياء بيعرض ليك طريقة تكيفهم مع المجتمع البرجوازي وتداخلهم فيه، وعن حياتهم ومشاكلهم العاطفية، فيه مشاهد اباحية وخادشة كتيره فأنت حاول اتجاوزها.



8_ vikings عدد المواسم: 6 عدد الحلقات: 79 مسلسل تاريخي بيتكلم عن عشيرة الفايكنج وطريقة حياتهم والحروب والمحلاحم الخاضوها حول العالم، وبيركز مع شخصية "راغنار لوثبروك" ك زعيم وقائد لعشيرة الفايكنج، مسلسل جميل جدا ح تندمج مع الشخصيات واجواء الحروب.



9_ banshee عدد المواسم: 4 عدد الحلقات: 38 بتقع احداث المسلسل في قرية صغيره اسمها بانشي، بعد خروج بطل المسلسل من السجن بسبب سرقة الماس ح ينتحل شخصية قائد الشرطه الجديد للقرية بعد م يقتلو داخل بار، ح يحاول يتكيف مع حياتو وشخصيته الجديدة.



10_ defending jacob "قصير" موسم واحد عدد الحلقات: 8 المسلسل مقتبس من رواية (defending jacob) بيحكي عن محامي بيتم إتهام ابنه المراهق بقتل زميله في الصف، م ح تندم صدقني 💙💙🔥.



11_ The walking dead عدد المواسم: 10 عدد الحلقات: 153 لمحبي الرعب والزومبي من افضل مسلسلات الرعب الكلام م بيكفي حقو 💙💙.



12_ the punisher موسمين عدد الحلقات: 26 يحكي عن شخص اسمو فرانك كاسل بينتقم من قتلت زوجته واطفاله كل ثانية في المسلسل فيها اكشن وملان احداث.



13_ narcos عدد المواسم: 3 عدد الحلقات: 30 بيحكي عن حياة تاجر المخدرات الشهير بابلو سكوبار وعالم الجريمة في دولة كولومبيا حاجه درعه 🔥🔥.



14_ the 100 عدد المواسم: 7 عدد الحلقات: 85 بيحكي قصة مجموعة من الشباب عاشو حياتهم كلها في الفضاء واختاروهم للنزول لكوكب الارض لاول مره فحياتهم والمشاكل ال ح تواجهم في حياتهم الجديدة.



15_ vis a vis عدد المواسم: 4 عدد الحلقات: 40 بيحكي عن قصة بت اسمها ماكارينا فيرايرو ح تدخل سجن من اخطر السجون النسائيه في اسبانيا وكيف ح تقدر تتعايش مع الوضع داخل السجن 🔥.



Download PDF

Add a comment

Similar news