ثريد| بحط لكم مجموعة تطبيقات غريبة ومحد يعرفها وموجودة في متجر جهازك والأغلبية راح يستفيدون منها"



Tunity غالبًا يكون فيه شاشة تلفزيون في قاعة انتظار المطار اوالمستشفى ودائما يكون بدون صوت،لكن ماسألت نفسك كيف اقدر اسمع التلفزيون؟ هذا ما يقدمه لك Tunity كل اللي عليك انك تصور التلفزيون وخل الباقي عليه.



RunPee إذا كنت تتابع فلم وتبغى تخلّص شغلة بسيطة وترجع لكن ماتقدر توقّف الفلم في هذا التطبيق فقط حط اسم الفلم وبيعطيك أوقات غير مهمة في الفلم مع تلخيص للّقطات اللي فاتتك.



Paper Karma دائماً نشتكي من الرسائل المزعجة على الإيميل مثل الإعلانات ،طيب كيف نتخلص منها؟ الموضوع سهل. كل اللي عليك تصوير المنتج وبيخاطب التطبيق الشركة المسؤولة عنه لحذفك من قائمة المهتمين بالمنتج وبيوقف إرسال الإعلانات لبريدك.



Skymap برنامج من قوقل تقدر من خلاله التعرف على أسماء النجوم والكواكب باستخدام كاميرا جوالك، يعرض البرنامج خارطة السماء،كل اللي عليك انك توجّه الجوال إلى السماء واستمتع، وتقدر تبحث عن كوكب معين والبرنامج راح يوجّهك له.



Splitwise تطبيق جميل إذا كنت ساكن انت واخوياك في مكان واحد ، أو طلعتوا رحلة او سافرتوا سوا وتبغون تقسمون تكاليف الرحلة والمشتريات بينكم ،بالعربي يرتب لك "القطّة"



I Can’t Wake Up هذا التطبيق لأصحاب النوم الثقيل، عشان تقفل المنبه لازم تحل puzzle معين، أو تقدر تحط عدد من الأسئلة ولازم تحلها عشان تقفل المنبه، وتقدر تطبع باركود وتلصقه في اي مكان واذا تبغى تقفل المنبه لازم تفحص الباركود بكاميرا الجوال.



Photomath  أذكى كاميرا لحل العمليات الرياضية ،انت بمجرد ما تصوّر المعادلة البرنامج راح يعرض عليك الجواب على الفور.



Pocket يوجد على الكثير من المنصات تقدر عن طريقه تحفظ المقالات والفيديوهات لمشاهدتها في وقتٍ لاحق، وتقدر تحفظ التغريدات من تويتر عليه وكل هذا بضغطة زر.



Baby Cries Translator إذا عندك مولود راح تستفيد من التطبيق حيث يعمل عن طريق مقارنة بكاء طفلك مع 200 ألف صوت بكاء مسجلين في قاعدة البيانات للتعرف على سبب بكاء طفلك، نسبة نجاح التطبيق 92% بين الأطفال ذوي الأسبوعين أو أقل.



Be My Eyes هذا التطبيق جميل وفكرته إنسانية حيث يمكّنك من التواصل مع ضعاف البصر او المكفوفين ليسألونك عن أشياء معينة بمعنى كيف تبدوا الأشياء وغيرها وانت تجيبهم.



وصلنا لنهاية الثريد أتمنى تكونون أستفدتوا وشكرا لكم 🌹



Download PDF

Add a comment

Similar news